19 avr. 2005

Finfine mi ankaŭ

Finfine mi ankaŭ kreis mian propran blogon. Kial ĝia titolo estas Beĉjo? Nu, tio estas simple klarigebla! Ĉar mia nomo estas Behrouz mi supozis ke karesa formo de mia nomo iĝu Beĉjo. Pri Kio mi volas skribi? Mi volas skribi pri miaj impresoj kaj opinioj rilate la mondon kaj tiujn aĵojn kiujn mi vidas, aŭdas kaj travivas. Ĉu mi devas prezenti min?
Mi estas Iranano, kredas al la religio Zoroastrismo (sen esti tre religiema aŭ fanatike praktikanta), en la pasinta jaro 2004 mi ricevis doktoran gradon pri la kemia fiziko el la Universitato de Parizo (Francio) kaj nun loĝas en Svedio (Stokholmo). Mi ŝatas la literaturon, sciencfikciaĵojn, sciencon kaj vojaĝon. Mi tre ŝatas trovi novajn amikojn kaj koni aliajn homojn. Mi havas iajn politikajn opiniojn sed ne estas politikema persono. Jen mia sinprezento.

6 commentaires:

Gerrit Berveling a dit...

saluton el Nederlando.
cxu eblas rakonti mallonge, por eksterulo, kion signifas por vi esti ano de la Zoroastra religio?
kore, bondezire,

Gerrit Berveling
dankon pro viaj afablaj vortoj

becxjo a dit...

Ho! Estimata Berveling Kia felicxo ke vi estas rigardinta mian blogon. Mi eble estas iomete respondita al via demando en tiu cxi blogero mia.

Ulrich a dit...

Kara Becxjo, dankon por montri mian poemaron en via bela blogejo!

Amike,
Ulrich Becker

Tarducci a dit...

Becjo: Estas profilo de persono kiu mi dezirus koni. Vo havos belan vivon. Esperantumu chiam !

Dobromiła a dit...

Saluton el Pollando!
Mi eklegas vian blogon, ĝi estas tre interesa :)

Melanie M. a dit...

Saluton!
Mi estas studentino el Svislando, kiu studas la tradukadon kaj spertulas pri terminologio (krom la studado, mi laboras en la Internacia Organizado por Normigado (ISO) por terminologia projekto).
Mi nun ekskribas diplomlaborajxon por la Universitato de Ĝenevo kaj celas skribi kvinlingvan terminaron pri Dopplera efiko. Nature unu el la kvin lingvoj estas esperanto (la aliaj estas la germana, franca, hispana kaj angla).
Ĉu vi eble ŝatus helpeti min?
Helpo konsistus ekzemple en:
- helpi min trovi materialojn pri Dopplera efiko ESPERANTE
- legi miajn esperante aux hispane skribitajn difinojn (je la fino de la laboro) por kontroli ke ne estas lingva eraro kaj ke ne estas fizika eraro.
Mi ĵus kreis laborgrupon ĉe Google (http://groups.google.com/group/doppleraefiko) por kunigi interesajn homojn kaj fakulojn. Se vi interesiĝas, bonvolu aliĝi.

Vian retadreson donis al mi Luis Guillermo Restrepo Rivas.
Korajn salutojn el Ĝenevo, Svislando!
Sincere,

Melanie