8 août 2005

Kreemo aŭ nekreemo?

En rakontada arto, iam oni elprenas rakonton el iu medio por esprimi ĝin pere de alia medio. Mi Komprenas ke post tia transiro la rakonto povas ne esti identa kun sia originala formo en la unua medio. Pro tio, estas tute komprenebla ke trajtoj de Spiderman en bildstrio estu malsama de tiuj en kinfilmo. Tamen mi neniam komprenos intereson kiu estas en elpreno de protagonisto(j) en iu rakonto por uzi ĝin(ilin) en tute nova rakonto. Ĉu vere sinjorino Margaret Mitchell eraris kiam ŝi finis sian rakonton "gone with the wind - forflugita de vindo" en tiu punkto ke ĝi finiĝis? Ĉu vere necesis ke Alexandra Ripley rakontu la sekvan sorton de Scarlett O´Hara? Ĉu ŝi ne povis esprimi sin per skribo de rakonto pri novaj protagonistoj kaj kun novaj rolludantoj? Nu, tiel ŝajnas ke en la hodiaŭa usona kin-industrio tiu metodo pli kaj pli ofte funkcias kiel la magia formulo. Oni elprenas bone konatan heroon, transmetas lin aŭ ŝin en nova etoso (tempa aŭ spaca) kaj komplikas la rakonton enkodukante ekzemple am-triangulojn, novajn rivalulojn aŭ novajn situaciojn. Kiel ekzemplo oni povas mencii la tv-serion "Smallville" kiu rakontas aventurojn de Superman antaŭ lia supermaniĝo. En ĝi oni trovas komplikajn am-rilatojn, novajn situaciojn kaj tute nekonitajn trajtojn de Superman mem. Ankaŭ menciindas la tv-srio Tarzan. En tiu tv-serio, Tarzan venigiĝas al hodiaŭa Novjorko kaj tie eĉ trovas sian Jane. Ree komplikaj am-rilatoj kaj novaj rivaluloj aperas en la tv-serio sed rakontoj malfacile rilatas la originalan rakonton de Tarzan. Ĉu tiaj rakontoj montras finon de temoj pri novaj protagonistoj. Ĉiuokaze mi ankoraŭ ne scias ĉu tiaj ĉerpitaĵoj montras kreemon aŭ nekreemon de Usonaj kin-produktantoj. Mi spektas ilin kun granda plezuro tamen mi pli preferus tv-seriojn se ili ne ludus kun imagoj kiujn mi havas pri konataj (ĉu klasikaj?) protagonistoj.

2 commentaires:

montamaristo a dit...

Laux mi pli gravas la kvalito de la kreito. Kion bonan, novan kaj interesigan donas la nova rakonto al la malnova? Ekzemple, la roluloj de Smallville agadas kaj paroladas kiel Usonaj urbananoj, tamen la loko estas la kamparo. Tiu miskunigxo helpas la eksterplanedan temon, tamen gxenas kredeblecon.

Anonyme a dit...

La usonaj filmkritikistoj simile plendas, kaj laux ilia takso, vere temas pri manko de kreemo. Mi mem trovas multe pli da originaleco nuntempe en porinfanaj filmoj, ol en aliaj. Baldaux aperos ecx nova "Inspector Clouseau" kun Steve Martin, kiu aktoras la rolon *ekzakte* kiel la iama Peter Sellers.

Mi timas, ke tiuj malmultaj vere fresxkonceptaj filmoj, kiujn produktas Usono, ne atingas Euxropon. Unu estis _Fargo_ (1996). Alia estis _The Fabulous Baker Boys_ (1989). Sed se temu pri lastatempaj -- mi tre sxatis _The Interpreter_ (2005).

Ken Miner