6 sept. 2005

Banalaĵo de stulta mi

Por mi unu el la plej interesaj vortoj estas konjunkcio kaj. La plejparto de lingvoj kiujn mi scias uzas mallongajn literarojn kaj iam eĉ unu literon por ĝi. Sed neniu lingvoparo el ili (lingvoj kiujn mi scias) uzas similajn vortojn. En Esperanto kaj, en la angla and (germana und), en la franca et (la itala kaj la portugala e), en la sveda och (prononciĝas ok - en la norvega og) kaj en la persa kaj la araba va (ankaŭ unulitera - و -). Inter lingvoj kiujn mi ne scias en la hispana y, la nederlanda en, la rusa и (unu litero kies prononcon mi eĉ ne scias). Tiu simpla konjunkcio ŝajnas stranga al mi !

8 commentaires:

Sibazyun a dit...

En la japana, 'kaj' estas to, skribita en unu litero 'と', ĉar la japana uzas literon por silabo, konsistanta ofte el konsonanto+vokalo.

fotono a dit...

adicie al la ekspliko de sibazyun, mi pensas informi vin, ke japana 'と (to)' estas nur por inter substantivoj. estas tre malsimpla, japana 'kaj' inter adjektivoj, verboj, klaŭzoj ktp.

Markus a dit...

La vorto "kaj" devenas de la greka lingvo. Mi ne scias, kial Zamenhof tiukaze elektis la grekan por tiu vorto, sed mi fakte sxatas gxin.

Jordon a dit...

Markus estas gxusta. Mi legis ie, ke Zamenhof elektis la grekan vorton cxar gxi sonas forte (ja pli forte ol la vortoj latinidaj).

Roland a dit...

Kelkaj lingvoj havas tiom longajn vortojn por tiu senco: hindie ktime "auxr", aux,p pli literare, "tatha" aux "evan"

Kirill a dit...

Zamenhof elektis vorton "kaj" anstataux pli kutimaj "et" aux "e" (el la latina kaj el la itala) por ke eviti konfuzadon kun sufikso "et" kaj finajxo "e". Pri tio oni sribas suficxe ofte en esperantologiaj verkoj.

Interalie, rusa konjunkcio "и" estas prononcata kiel "i".

Anonyme a dit...

Se oni atentas nur la elparoladon, la rusa "и" kaj la hispana "y" estas kontrauxekzemplo por via gxeneraligo pri lingvoparoj. Ambaux sonas [i].

Ken

Becxjo a dit...

Dankon pro komentoj de cxiuj el vi. Pri aserto de s-ro Miner mi diris lingvoparojn kiujn mi scias. Bedaurinde mi ne scias la rusan nek la hispanan.