25 nov. 2005

Vizaĝo de Irananoj en Usonaj TV-serioj

Bildo de irandevena aktorino Ŝohreh Agdaŝlu en la tv-serio 24.

Longtempe mi ne komprenis kial ĉiuj perforte prostituit-in-iĝ-int(ont)oj en la televidaj serioj estas rusinoj (aŭ devenas de la orienta Eŭropo). Mi ne komprenis kiel fifarantoj neniam atingas virinojn el la okcidenta Eŭropo kaj tiel ŝajnis ke tiuj virinoj tre bone kapablas defendi sin mem. Pro tio, mi akceptis ke nur eblas fiekspluati la rusajn (orienteŭropajn) virinojn. Nun, mi ne komprenas ke kial iranaj teroristoj en televidaj serioj tiom abundiĝas. Unuafoje mi en iu usona filmo pri okazaĵoj en Irano spektis ke oni manĝas ion el vermoj (kaj kredu min, dum pli ol 26 jaroj da mia loĝado en tiu lando mi neniam en zoroastraj familioj nek en islamaj familioj vidis manĝaĵon el vermoj). Post tio, iranaj teroristoj aperis en la televida serio JAG (ang. Judge Advocate General) kaj ŝtelante belan protagonsitinon (Catherine Bell kiel Col. Sarah MacKenzie) koleregigis ĉiujn el la spektantojn pro siaj brutalecoj. Mi komprenis ke tiuj fifarantoj estas iranaj nur ĉar oni diris tion en la filmo kaj ili balbutis ion en la persa lingvo, se ne vidante iliajn vizaĝojn kaj vestaĵojn mi povis veti ke ili estu arabaj. Nu, iranaj teroristoj estas malantaŭ ĉiu minaco kontraŭ Usono. Pro tio en la televida serio 24 nun tutaj teroristoj estas Iranaj. Nomo de filo de unu el tiuj fifarantoj estas Behrooz (ne mistrafu anstataŭ Behrouz). Mi ne komprenis kial ili elektis la nomon Behrooz por tiu protagonisto. Ĉiuokaze se la familio volis pro religiaj kialoj atenci kontraŭ Usono ĝi neniam nomis sian filon Behrooz. La nomo Behrooz (aŭ Behrouz) estas devenanta de la antaŭislama Irano kaj islamanoj depost la islama revolucio malŝatas tiajn nomojn. Iu familio por elekti tiajn nomojn (antaŭislamajn) por sia infano devas pruvi ke ĝi estas neislama. Do ne nur religiuloj en Irano abomenas la antaŭislamajn persajn nomojn kiel Behrooz nun Usonanoj ankaŭ devas abomeni ilin. Tio ĉio ne sufiĉas. Eĉ malpli gravajn krimojn kaj deliktojn nun faras irananoj en la televidaj serioj. Ekzemple en la televida serio The Closer spektiĝas kiel irana virino por eskapi aŭtoritaton de sia edzo (kiu nepre estas karakterizaĵo de nur iranaj familioj kaj neniel ekzistas en la Okcidento) mortigas lin (rigardu la epizodon 10 - L.A. Woman). Tiel la Usonaj medioj manipulas la publikan opinion. Ekzemple ĉi tie oni vidas kiel Usonanoj sur stratoj dum eĉ ne kapablas montri landon sur mapo opinias ke ĝi estas la plej danĝera minaco kontraŭ Usono. Tio ĉio okazas dum ĝis nun neniu iranano estas jam arestita pro teroristaj atencoj aŭ planoj kontraŭ neirananoj ie ajn en la mondo (laŭ mia kono ĉiuj aretsitaj suspektoj pri teroristaj agoj aŭ planoj estis Pakistanaj, arabaj aŭ el Orienta Azio sed ne eĉ unu iranano ĜIS NUN). Morala Konkludo: se vi en iu televida serio vidis ke iu Behrooz faras fifarojn ne pensu ke ĉiuj Behrooz-oj estas tiaj.

3 commentaires:

Gebeleizis a dit...

Haha, ne gravas, estas nur okcidenta stulteco. Mi vidis iam usona filmo en kiu kelkaj rumanoj provis ŝteli pinturon el la muzeo Metropolitan, Novjorko. Ilian "rumanan" lingvon mi ne povis kompreni (certe, ili nur diris iuj sonoj kiuj tute ne estas vortoj, sed por la plejparto de usonanoj de gravis). La deziro havi sensaciajn historijon, ombrigas la veron. Tial aperas militoj, ĉar estas pli facile mortigi aliajn kiam oni kredas firme ke ili estas monstroj. Kiel Budho diris: "la nescio estas la radiko de ĉiuj malbonoj". Kaj multaj okcidentanoj eĉ fieras pri ilia nescio. Tre bedaŭra afero. Especiale nun, kiam nur kelkaj minutoj usante la interneton trovigus respondon por preskaŭ iu ajn demando...

Kirill a dit...

Tio vere admirindas, Behrouz! En Rusio oni nenmalofte sxatas sxreci pri "malklereco" de usonanoj, kaj mi opiniis tion grandparte troigo. Sed vidi tion per miaj propraj okuloj estis tute alia afero... Laux vortoj de unu satiristo, usonanoj aparte estas malkleraj sed kune konsistas forton, rusoj, male, estas kleraj aparte sed kune ne konsistas forton. Al mi sxajnas, ke Esperanto-movado heredis cxi tiun trajton...

P.S. Pri rusaj prostitutinoj en usonaj filmoj - la afero estas en tio, ke en 90aj jaroj vere en Okcidentan Euxropon verutis multe da virinoj el Rusio kaj ankaux el Ukrainio, Moldavio, por ke tie labori, ankaux en amor-industrio. Kreintoj de la filmoj simple respegulis cxi tiun fakton, eble ne sen kutima "trosubstrekado".

Renato a dit...

dau'rigu behrouz kaj aliaj malkas'i la meh'anaj'ojn, kiujn oni uzas por manipuli la publikan opinion.

amike

renato