6 juill. 2006

Demando

Karaj legantoj de mia blogo! Mi hodiaŭ havas demandon. Ĉu mia Esperanto estas sufiĉe klara? Ĉu vi facile komprenas tion kion mi skribas? Ĉu mia stilo ne ŝajnas influata de mia scipovo pri la persa lingvo? Ĉu mi faras gravajn erarojn? Bonvole helpu min por plibonigi miajn skribaĵojn ĉi tie.

Dankon

11 commentaires:

Kolonjano a dit...

Kara Beĉjo,

Plej ofte mi ne havas problemojn kompreni viajn tekstojn.

Mi ne scipovas la persan, do ne povas decidi, ĉu tiu ĉi lingvo influas vin foje.

Sed ja povas esti, ke via eksterlanda lingva medio (franca, angla) iomete senteblas.

Se vi volas, mi povas lasi komenton, kiam mi trovas lingvajn erarojn / neklarajn esprimojn en afiŝo.

Ĝis nun mi faras tion nur por tiu ĉi blogo, kiu ja estas komencantula retejo.

Kompreneble ankaŭ mi mem bonvenigas atentigajn komentojn pri nacilingvismoj evitindaj en mia blogo.

Ĝis,
Kolonjano

Kolonjano a dit...

Kara Beĉjo,

mi ankoraŭ havas peton rilate la aspekton de via blogo.

Estus bone, se komentoj ne nur ricevus horindikon, sed ankaŭ datan. Plej ofte homoj ne nepre komentos pri afiŝo samtage, ĉu?

Ĉar mi supozas, ke vi uzas "Blogger"-on franclingve, jen la agordero:

Paramètres -> Commentaires -> Format de date et d'heure des commentaires

Tie vi elektu iun formaton, kiu enhavas daton kaj horon.

(Bedaŭrinde "Bloger" ne disponigas la laŭ-ISO-an prezentiĝon JJJJ-MM-TT HH:MM:SS. Jen la kutima "usonocentrismo" ...)

Dankon anticipe,
Kolonjano

Anonyme a dit...

Saluton!

Mi eklernis esperanton antaŭ unu jaro kaj mi ege bone vian blogaĵojn komprenas.

:-)

Pere
blogo: http://pere.quintanasegui.com/PaginaPersonal/BlocNotes

becxjo a dit...

Dankon pro la komentoj kaj kolonjano mi faris tion kion vi proponis. Mi havas demandon. Kiel mi povas uzi alian formon por arkivo de miaj blogeroj kiu plilongigxas (por cxiumonato unu ligilo en la dekstra flanko). Cxu io alia krom via solvo (uzi listbox en via blogo) eblas?

Slavik a dit...

Jes, tute klara stilo. Senprobleme.

Kolonjano a dit...

Kara Beĉjo,

mi ne scias pri alia (facile realigebla) solvo rilate la ligilojn al la arkivaj paĝoj.

Fakte mi iom miras, ke vi ne jam ŝanĝis vian ŝablonon tiel, ke ankaŭ vi ne plu havas longan liston …

Intertempe mi ja denove iom ŝanĝis mian ŝablonon – oni neniam kontentas, ĉu? :-) – kiel vi certe rimarkos, kiam vi iomete foliumos mian blogon.

Ĝis,
Kolonjano

Anonyme a dit...

Amiko kaj kunblogisto,

Mi ne cxiam konsentas kun vi, sed mi ne memoras kazon, kiam mi ne komprenis vin. Vi respektas nian lingvon kaj daŭre plibonigas vian stilon (tiel vi membras en "elita" manpleno da E-blogistoj). Unuvorte: brave!

Ken

Eriketo a dit...

Kara Becxjo - laux mi vi bonege scipovas Esperanton kaj flue skribas. Mi trovas, de tempo al tempo, ke la naciaj (aux plej uzataj) lingvoj de miaj korespondantoj videblas en la frazstrukturo aux vortelektado de iliaj verkoj. Tamen, laux mi, se oni sekvas la bazajn gramatikajn regulojn, tiu diverseco pri stilo ne malhelpas interkomprenigxon kaj ricxigas kaj internaciigas la lingvon.

Gxis - Eriketo

montamaristo a dit...

Mi cxiam bone komprenas vin. Neniom konsilon mi donas al vi cxar mia stilo ne atingas vian nivelon. Dauxru blogi!

Fátima a dit...

Kara Beĉjo,

mi ne povas diri, ĉu via stilo estas influata de la persa lingvo. Sed mi opinias ke, se tia influado ekzistas, ĝi ne estas grava, ĉar viaj legantoj ne rimarkas ĝin. Do ĝi tute ne makulas la klarecon de via esperanto, fakte ĝi verŝajne metas riĉajn nuancojn en vian stilon.
Persone mi komprenas viajn blogaĵojn senprobleme kaj mi devas diri, ke mi kutimas legi ĉiujn :-)
Rilate al viaj eraroj... Kie ili estas??? Mi ne trovis iun! ;-)

Amike

becxjo a dit...

Karaj amikoj,
Dankon pro viaj afablaj komentoj.