30 oct. 2007

Alia plej bela ...

Kiel mi skribis antaŭe, iuj aferoj estas mezureblaj kaj homoj povas serĉi la ekstremajn ekzemplojn de tiaj aferoj. Ekzemple en Guniness [pr. gines] la libro de rekordoj, oni povas trovi la plej altan personon, homo kiu havis la plej longajn ungojn, la plej malgrandan katon k. s. Sed iuj aferoj kiel ekzemple beleco kaj inteligenteco estas subjektivaj. Serĉi la plej belan (fakte seksallogan) virinon estas vana sed povas esti, ke malmultaj juĝantoj konsentu pri la plej bela sinjorino inter malmultaj partoprenantoj (Tion iam faras revuoj - ekzemple mi memoras opinisondadon laŭ kiu ŝajniĝis, ke laŭ viroj - ne ĉiuj viroj - Monica Bellucci - pr. Munika Belluĉi - estas la plej bela - seksalloga - aktorino).

Pro tiu nemezurebleco de la beleco, kiam oni parolas pri beleco de lingvo aŭ tiu de iuj vortoj, mi ne bone komprenas tion. Malgraŭ tio ĉio, tiel ŝajnas, ke germanoj aŭdacis aventuri pri tiu afero! Laŭ raportoj, la germana gazeto Kulturaustausch [kultura interŝanĝo] estas elektinta la turkan vorton Yakamoz [pr. Jakamuz] kiel la plej bela vorto. Tiu vorto signifas reflektiĝon de lunlumo el surfaco de riveroj kaj maroj. Kiel la dua plej bela vorto elektiĝis la ĉina vorto Hulu kiu signifas ronkon. Kaj post ĝi, elektiĝis la afrikdevena vorto Volongoto kiel la tria plej bela vorto. Ĝi signifas ĥaoson. Por la konkurso entute proponiĝis 2500 vortoj el 58 landoj. Tiuj germanoj estas iomete frenezetaj! Ĉu ne?

Aliaj fontoj por la raporto tie kaj ĉi-tie.

2 commentaires:

Anonyme a dit...

Ŝajne iuj juĝis laŭ sono kaj aliaj juĝis laŭ signifo.

Inter usonaj lingvistoj estas anekdoto. Iu demandas, kiu lingvo havas la plej belan vorton por 'papilio'. Franco proponas sian vorton 'papillon' – nepre la plej bela. Hispano tiam kandidatigas 'mariposa' – tiu evidente superas ‘papillon’. Sed Italo malkonsentas, asertante ke 'farfalla' plej belas. Kaj tiel plu.

Post iom da tempo, germano trudas sin indigne: "Kio do mankas al 'Schmetterling'???"

Sed ĉiu lingvo belas por tiu, kiu scipovas ĝin, ĉu ne.

Ken

becxjo a dit...

... ĉiu lingvo belas por tiu, kiu scipovas ĝin, ĉu ne?

Nepre vi pravas.