21 mars 2008

Komputila aventuro (2)

Unua skribaĵo sur mia tabuleta komputilo
Kiel mi skribis antaŭe mi provas funkciigi linukson sur mia tabuleta komputilo. Longtempe libera tempo mankis al mi kaj mi ne kapablis fari multon pri la komputilo kaj linukso sur ĝi. Hodiaŭ ĉi tie en Kanado ni ĝuas ferion (preter tio ĉio, mi deziras ĝojan feston de Pasko al ĉiuj amikoj) kaj mi havis tempon por labori iomete sur la komputilo. Unu el avantaĝoj de tabuletaj komputiloj estas tio, ke la uzanto kapablas skribi sur la ekrano same kiel li aŭ ŝi skribas sur papero. Longtempe tiu ebleco de mia komputilo ne ĝuste funkciis sub linukso. Finfine hodiaŭ mi sukcesis solvi la problemon kaj pliposte mi skribos kiel mi faris tion. Ŝajnas ke nun mi kapablas skribi sur ekrano kiel oni skribas sur papero. Jen mia unua skribaĵo sub linukso (Ubuntu 7.10 Gusty Gibbon). Mi skribis ĝin per la programo Xournal. Bedaŭrinde ankoraŭ kamerao, sendrata retkonekto kaj kelkaj aliaj el eblecoj de mia komputilo sub linukso ne ĝuste funkcias, sed mi scias, ke aliaj estas funkciigintaj tiajn eblecojn. Tial mi daŭrigas mian strebon por solvi tiujn problemojn.

4 commentaires:

dominiko a dit...

Kian retkameraon vi havas? Ĉu vi povas afiŝi la eliron de la jenaj ŝelkomandoj: lsusb kaj lspci? Eble mi tiam trovos la taŭgan pelilon.

becxjo a dit...

Dankon Dominiko pro via intenco por helpi min. Fakte Ubuntu 7.10 jam rekonas mian retkameraon. Gxi estas Microdia aparato en la suba listo.

Bus 002 Device 002: ID 03f0:171d Hewlett-Packard
Bus 002 Device 001: ID 0000:0000
Bus 001 Device 006: ID 0eef:0001 D-WAV Scientific Co., Ltd eGalax TouchScreen
Bus 001 Device 005: ID 08ff:1600 AuthenTec, Inc.
Bus 001 Device 004: ID 0c45:62c0 Microdia
Bus 001 Device 002: ID 04b4:6560 Cypress Semiconductor Corp. CY7C65640 USB-2.0 "TetraHub"
Bus 001 Device 001: ID 0000:0000


cxiuokaze mi kontrolis kaj gxi jam funkcias.

dominiko a dit...

> Fakte Ubuntu 7.10 jam rekonas mian retkameraon.

Bone, mi do miskomprenis kiam mi legis tion:

[...] Bedaŭrinde ankoraŭ kamerao, sendrata retkonekto kaj kelkaj aliaj el eblecoj de mia komputilo sub linukso ne ĝuste funkcias [...]

Temis do pri kamerao/fotilo kaj ne pri retkamerao.

becxjo a dit...

Ne kara dominiko! Vi gxuste komprenis kaj tiutempe mi vere skribis pri retkamerao, kiun mi ne estis kontrolinta kaj pensis ke gxi ne funkcias. Kiam vi petis informojn mi kontrolis kaj vidis ke mi devas akordigi programojn por uzi gxin (ekz. parametro en ekiga).