27 juill. 2008

Ĉu iu rekonas tiun muzikaĵon?

Kiel mi antaŭe skribis, post okazo de la revolucio en Irano, oni ne plu spektigis multajn usonajn animaciojn. Anstataŭ ili, ni spektis multajn japanajn, orienteŭropajn kaj rusajn animaciojn. El ili mi nur memoras svagajn partojn kaj iu muzikaĵo. Foje tiu muzikaĵo revenas al mia cerbo kaj tiam mi ofte fajfas ĝin. Mi scias nenion pri ĝi, ne kapablas skribi ĝin per notoj kaj ne scias kiel serĉi ĝin sur la interreto (ĉu iu povas serĉi muzikaĵon sen scii ĝian nomon, ĝian komponanton k.s?). Mi nur scias, ke ĝi plejeble estas rusa aŭ orienteŭropa. Tial mi decidis peti helpon de legantoj de mia blogo. Blogger nur akceptas dosierojn de filmetoj. Do mi fajfis tiun muzikaĵon nekonatan al mi kaj registris ĝin. Post mi elektis belan foton kaj faris filmeton de ili. Ĉu iu povas rekoni tiun muzikaĵon?


8 commentaires:

Eriketo a dit...

Se mi ne trompas min, kara Becxjo, estas la rusa kanto Poljusxka-Pole (vidu cxe http://en.wikipedia.org/wiki/Polyushko_Pole)

Ja estas frapa melodio kaj mi komprenas ke tio povas esti memorebla.

Cetere, mi esperas ke en 2010 vi havos la eblecon viziti Brition!

becxjo a dit...

Dankon kara Eriketo! Dankegon! Ha! Vi pravas.

Eriketo a dit...

Bone - mi gxojas ke estas la prava melodio. Espereble vi nun ne havos nur kelkaj linioj kiuj turnas kaj returnas en la cerbo!

becxjo a dit...

Kara Eriketo, nun mi komprenas, kial iuj malbone rigardis min kiam mi fajfis tiun muzikaĵon. Kompreneble tiutempe mi ne faris politikan aŭ ideologian manifestacion. Por mi tiu muzikaĵo nur estis memoro de infanaj jaroj kaj mi memoris ĝin en kunteksto de animacioj en kiuj oni ĉefe parolis pri braveco, bonfarado kaj similaj universalaj valoroj (ja la sovetiaj animacioj ankaŭ parolis pri tiuj samaj valoroj). Mi eĉ ne estis konscia pri ĝia teksto. Por mi ĝi ankoraŭ estas kaj ĉiam restos memoraĵo de miaj infanaj jaroj. Mi jam denove fajfas ĝin ...!

ĵeromo a dit...

vi jam ricevis respondon, sed se amuzas vin, provu vian fajfadon ĉe http://www.midomi.com. mi ne scias, kiagrade ĝi funkcias, mikrofonon mi ne havas.

amike

becxjo a dit...

Dankon jxeromo. Ja! Tio estas interesa.

Eriketo a dit...

Fakte, kara Beĉjo, mi havis similan sperton rilate al infanlibro mia. Kiam mi estis tre juna mi havis ŝatatan libreton en Esperanto kiu estis publikigita en Ĉinio. Plaĉegis al mi ĉar enhavis belegajn bildojn kaj agrablajn poemetojn. Antaŭ kelkaj jaroj mi retrovis ĝin en la subtegmentaĵo kaj surpriziĝis rekoni kiom forta estis la propogando en ĝi (ne surprizinde kiam oni konstatas ke estis publikigita en Ĉinio dum la 60-aj jaroj.

Cetere, mi ankaŭ nun fajfas 'vian' melodion senĉese!

Mirbozorgi a dit...

Gxi estas "La moskvaj noktoj" , "Shabhaje Moskow". Gxi estas tre fama melodio.