8 sept. 2008

Pli bona regadsistemo

... kaj kiu decidis, ke Esperantio devas esti respubliko? Kompreneble tio estas tute hazarda, ke iranano kun sperto 2500 jara pri reĝoj (ĝis la revolucio en 1979) esprimas tion! Mi opinias, ke reĝa sistemo havas avantaĝojn super respubliko; unue ĝi estas pli prestiĝa, pompa kaj grandioza. Due oni ŝparas monon elspezitan por balotoj kaj balot-kampanjoj (ne gravas, se oni elspezas tiun monon por tiu prestiĝo kaj feliĉo de reĝo - tiel almenaŭ tiu mono utilos al unu persono!). Estas bona ŝanco (laŭ miaj kalkuloj iomete malpli ol 50%), ke reĝo estu bonintenca kaj afabla. Ankaŭ kiam fina decido estos kun reĝo tiam kvereloj kaj disputoj ne plu okazos (aŭ subpremiĝos). Do miaopinie Esperantio devas esti reĝa regadsistemo.

Nun restas trovi reĝon kaj kiel vi jam scias tio ne temas pri deziro de subjektoj sed volo de Dio. Do esti reĝo temas pri genoj kaj sango. Mi rekomendas, ke esperantistoj tuj komencu serĉadon por trovi reĝon. Nur kiel helpo mi devas mencii, ke mi havas bonan sangon (kaj genojn)!

Nur zorgu, ke unufoje doninta potencon al reĝo nur pere de sangoplena revolucio eblas retiri tiun potencon for de li kaj liaj filoj (virinoj povas esti reĝinoj sed tio estas malpli ofta)!

2 commentaires:

Tonyo a dit...

Mi havas pli bonan sangon! Kaj mia kapo estas farita precize por surhavi kronon. Do, dankon pro via sugesto!

becxjo a dit...

Kara Tonyo! Cxu vi defias min?